Tíðindi

Sum kunnugt, so er Sóljugarður stongdur, vegna verkfall frá í morgin kl. 7.00. Vit hava fingð onkrar fyrispurningar, frá foreldrum, um møguleikan fyri at koma eftir klæðum. Hetta er møguligt í dag millum kl. 16 og 17 - opið er á skrivstovuni. Annars vísa vit til umsitingina í Vága kommunu, har tit kunnu venda tykkum, frá í morgin av. vh Helena

Føroya pedagogfelag hevur lýst verkfall mánamorgunin. Hetta rakar allar stovnarnir hjá kommununi - dagstovnar og frítíðarskúla og eru teir tískil stongdir frá mánadegnum 14. juni og so leingi verkfallið varðar.

Frá mánadegnum verður virksemið á dagstovnunum aftur vanligt. Foreldur verða kunnað um nýggju støðuna. Borgarstjórin og býráðið takka starvsfólkum og foreldrum fyri forstáilsi, av støðuni tá korona herjar og broytingar eru neyðugar.

Sóljugarður er við í einum sponskum heimildarfilmi um Føroyar, sum varð tikin upp nakað fyri jól síðsta ár. Maður Lív, sum starvast í Sandastovu, var ein av sponsku frásøgufólkunum í filminum. Í hesum sambandi vórðu foreldrini í Sandastovu spurd um børn teirra kundu filmast og hetta tóku foreldrini undir við. Vit halda tað er stuttligt, at hesi børnini og starvsfólkini úr Sóljugarði eru við í einum heimildarfilmi um Føroyar.

Í samband við íkomnu korona støðuna í Vágum, hevur Vága kommuna ráðført seg við Koronaráðgevingina. Frá í morgin, fríggjadagin 4. juni, hava vit valt at fara aftur til ta støðuna tá barnagarðsstovur verða deildar upp og har foreldur avlevera børnini uttanfyri. Somu tilmæli eru galdandi fyri frítíðarskúlan. Kunnað verður leypandi her á síðuni, um støðan broytist og um onnur tiltøk verða sett í verk í kommununi, til tess at fyribyrgja og minka um vandan fyri at korona smittan breiðir seg. Bjarni Prior borgarstjóri

Nú corona smittan herjar á aftur, skulu vit siga frá at Sóljugarður er opin, sum vanligt. Tó so er virksemi í Giljastovu skert í morgin. Mynduleikarnir hava givið boð um at vit skulu fylgja tilmælinum frá mai 2020.

Fríggjadagin 14. mai, hevði Sóljugarður ráðgeggingardag saman við Miðgarði. Evnið var "Betri Vinri", sum er ein fyribyrgjandi verkætlan ímóti happing, sum vit eru farin at arbeiða við. Tað er Barnabati, sum stendur fyri verkætlanini í samstarvi við Mary Fonden og Red Barnet. Tilfarið er ætlað børn, starvsfólk og foreldur. Betri vinir er grundað á eina nýggja fatan av happing, sum tekur støði í virðunum: TOLSEMI, VIRÐING, UMSORGAN og DIRVI. Tilfarið er samansett av námsfrøðiligum amboðum, sum gera tað lættari at styrkja barnafelagsskapin.

Í gjár var Mentunar- og trivnaðarnevndin, saman við borgarstjóranum og kommunustjóranum á vitjan. Vit gleðast um at politikkarar vísa dagstovnaøkinum ans og eru við til at varpa ljós á týdningin av at hava dygdargóðar stovnar. Har starvsfólk kunnu skapa eitt umhvørvið, har børnini fáa møguleikar, at menna atburð og førleikar, sum ger, at tey kunnu liva og handfara lívsumstøður í framtíðarsamfelagnum. ‍