Sóljugarður

Gleðiligar páskir

Á starvsfólkafundinum í kvøld, fyri stilluviku, var evnið "Týdningurin av relasjónunum í vøggustovu og barnagarði". Í ár hava vit Relasjónir, sum yvirskrift í Sóljugarði. Hjálparfólkini hava fyngið undirvísing í "tí góða samskiftinum" - hetta hevur Námsfrøðiliga ráðgevingin staðið fyri. Í kvøld var sjóneykan sett á:

Ábyrgdina hjá okkum vaksnu fyri at skapa góðar relasjónir.

At vegleiða og taka avgerðir fyri barnið, tá tað er neyðugt, til barnsins besta.

At stuðla barninum í at handfara tvístøður og ymiskleikar, so barnið mennir førleikar til at merkja sínar egnu kenslur og kenslurnar hjá øðrum.

Starvsfólkini fingu eina páskaheilsan heim við - at arbeiða við børnum, er tað týdningarmesta arbeiði - børnini eru okkara týdningarmesta tilfongi og starvsfólkini í Sóljugarði gera eitt megnar arbeiði.

Við hesum orðum fara vit at ynskja øllum eini gleðilig páskir.

‍

No items found.

Varaleiðari til Sóljugarð (farloyvisstarv)

Vága kommuna søkir eftir ágrýtnum og ábyrgdarfullum varaleiðara til Sóljugarð at byrja 1. apríl 2025 ella eftir avtalu. Starvið er eitt farloyvisstarv. Um starvið:Sum varaleiðari fært tú leiðslu-, umsitingarligar og námsfrøðiligar uppgávur. Tú verður partur av einum stovni í menning, har spæl, nærvera, trivnaður og námsfrøði eru í hásæti. Vit bjóða:Ein fjølbroyttan gerandisdag við ávirkan á námsfrøðiligu kósinaMøguleika fyri persónligari og fakligari menningEitt gott arbeiðspláss við fakliga dugnaligum starvsfólkum Vit vænta, at tú:Er útbúgvin námsfrøðingurHevur leiðsluroyndir og megnar at kveikja starvsfólkHevur breiða fakliga vitan um børn 0-7 árKann vegleiða og fylgja upp uppá børn við serligum tørviBrennir fyri námsfrøðiligari menning og hevur ein álítandi leiðslustíl Um SóljugarðSóljugarður liggur í Sandavági, og er staðsettur mitt í Sandavágs bygd við sera vakrari náttúru rundanum. Dentur verður lagdur á spæl, relatiónir, náttúruna og eitt lærandi umhvørvi. Leiðslutoymið tryggjar dygdargóða menning av stovninum. Løn og umsóknLøn og treytir eru sambært sáttmála millum Føroya Pedagogfelag og Kommunala Arbeiðsgevarafelagið. Søk starvið við at trýsta á SØK NÚ knappin á høgru síðu. Viðfest møgulig prógv, lívsgongdarlýsing, revsiváttan og møgulig viðmæli. Umsóknarfreist: Týsdagin 25. februar 2025.Meira fæst at vita við at venda sær til Janu Egholm, leiðara, á tlf. 794456.

Sóljugarður søkir eftir námsfrøðingum

Ert tú námsfrøðingur og droymir um at koma í Sóljugarð at arbeiða, kanst tú altíð seta teg í samband við okkum. Vit liggja sera væl fyri, mitt í Sandavági, tætt við sandin, vøllin, viðalundina, Giljatrøðna og nógvar aðrar perlur í Sandavági. Í Sóljugarði leggja vit stóran dent á felagsskapin og at børnini hava tíð og fri til at spæla. At spæla er ein stórur og sera týðandi partur av menningini hjá børnunum, tí skulu vit virðismeta tað sera høgt. Um tú ynskir at hoyra meira, kanst tú ringja til Janu, leiðara á tlf 794456