Tíðindi

Søkt verður eftir fólki til at matgera í Sóljugarði, at byrja 1. mai 2022. Talan er um eitt 30 tíma starv. 

Kom við á ævintýraferð í Sandavági. Við hægstu normering í landinum, hava vit møguleika fyri at veita bestu tænastu til barnafamiljuna í nútíðarsamfelagnum. Vága kommuna søkir tí eftir 4 námsfrøðingum til Sóljugarð, at byrja 8. august 2022. Størvini eru í barnagarðsstovu. Talan er um fulltíðarstørv, við møguleika fyri at arbeiða niðursetta tíð. 

2022 er árið, har børn og vaksin í Sóljugarði fara á eina spennandi ævintýraferð. Nullið, sum vit kalla felagsøkið, er prýtt við kendum Ævintýrum, sum Lív Eklund hevur málað.

Í Steigastovu arbeiða vit við ævintýrinum um Lorkulegg

Aftaná eina alt ov langa tíð við koronuavmarkingum, lat Nullið upp aftur fríggjadagin 11.02.22. Vit eru sera fegin um at hava møguleika aftur fyri at hava eina felags sangløtu fyri øll børnini á stovninum. Sangløtan er hvønn fríggjamorgun kl. 9.45 og stovurnar skiftast til at skipa fyri.

Til øll foreldur hjá børnum í dagstovnum hjá Vága kommunu. Hóast koronasmittutrýstið er høgt í landinum í løtuni, eru vit í Vága kommunu enn sloppin lutfalsliga væl. Støðan kann tó skjótt broytast, og tí mugu vit øll vísa størsta varsemi.

So eru vit komin gott í gongd aftur, aftaná summarferiuna. Síðan Sóljugarður varð stovnaður í 2003, hava vit havt eina fasta sangløtu um vikuna fyri allan stovnin. Tó hevur sangløtan verið niðurløgd vegna Corona, men nú hava vit tikið sangløtuna upp aftur. Tað er onki minni enn fantastiskt, at kunna samlast aftur til sang í Nullinum. Sangløtan er hvønn fríggjamorgun kl. 9.30 - 9.45.

15. juni fylti Sóljugarður 18 ár. Av tí at stovnurin var stongdur í síðstu viku, varð føðingardagurin hildin mikudagin. Í ár var dagurin hildin fyri børnum og starvsfólkum í Sóljugarði. Trýst fyri at síggja meira.

Týsdagin 22. juni, høvdu vit endaveitslu í Sóljustovu. Tað er við sorgblídni, at vit siga farvæl við hesi fittu børnini, sum nú fara víðari á lívsins leið. Trýst fyri at síggja meira