Vit høvdu 8 ymiskar aktivitetir. Børnini vórðu deild uppí bólkar, og so varð annars farið ígongd. Aktivitetirnir vóru: At fylgja strikutekningum m.a. lakka paradís, at klatra, at flyta summardáar við teskeið, at hoppa og grulva, oman og niðan í skreiðibreyt, at rulla í brekkuni, at hoppa í sansabaljum og til síðst fótabað. Vøggustovubørnin koyrdu skutara, løgdu tennisbóltar í takrennurnar og fangaðu sápublørur. At enda fingu øll børnini hvør sína gullmedalju og sunkist. Gullmedaljurnar vóru heilt serligar, tí Pernille hevði heklað tær úr gulltráði. Ein sera væleydnaður ítróttardagur, áðrenn heim varð farið í Hvítusunnuferiu.