Fríggjadagin skipaði foreldraráðið í Sóljugarði fyri einum garðdegi. Tað eru mong ár síðan, at garðdagur var í Sóljugarði, so tað var spennandi at vita, hvussu hetta fór at eydnast. Tað má sigast, at dagurin var sera væl eydnaður. Foreldrini tóku sera væl undir við degnum. Tað var arbeitt hart allan seinnapartin og nógv kom burturúr. Spælihús vórðu sjeina upp, tveir lítlir bátar komu av bakkastokki, kápultunnur fingu nýtt lív, kálgarður var settur á stovn, blómubed varð lúkað, kantar hampaðir, portur afturgjørd og manngt slíkt. Børn, foreldur, systkin, ommur, abbar og starvsfólk hugnaðu sær óført. Dagurin endaði við pitsa, so kundu vit fara heim, mett og væl sett. Ein deiligur dagur í frísksligum havaveðri. 1000 takk fyri :)