Soleiðis er ABC vikan skipað í Sóljugarði

‍

Mánadagin fáa børnini álmanakkan "Virkin oktober" frá Fólkaheilsuráðnum við heim. Her eru nógv góð hugskot til, hvat familjur kunnu gera saman, fyri at betra um sálarligu heilsuna.

‍

Týsdagin gera vit krabbagoggur og tosa m.a. um "Nær ert tú ein góður vinur" og "Hvat ger teg glaða/kedda".

‍

Mikudagin hava vit sangløtu í Nullinum fyri øllum stovninum.

‍

Hósdagin fara vit í árgangsbólkar. Árg. 16 fer í ítróttarhøllina og árg. 17 í fimleikahøllina, har skipað verður fyri rørslu- og samstarvs spølum. Árg. 18 fer hagatúr, har vit venja grovrørslurnar v.m. og árg. 19 er í stóra garði, har tað verður skipað fyri rørslu- og sansa spølum.

‍

Fríggjadagin er ráðleggingardagur hjá starvsfólkunum, har yvirskriftin er" Hvussu skapa vit trivna í garðinum, har børn og vaksin hava nakað felags at hugsavna seg um".

Vit hava ein stóran garð og eru úti í øllum veðri - eisini vøggustovubørnini. At merkja vindin, regnið, sandin, ánnað og sólina, er gott fyri likam og sál.

‍

Øll børnini, fáa eitt Sporkuffert, tá tey byrja í Sóljugarði. Hetta kuffertið verður fylt við sporum, sum eru minnir frá vøggustovu- og barnagarðslívinum. Kuffertið fáa børnini heim við, tá tey fara úr barnagarðinum. Soleiðis fáa tey søguna, um seg, sum verður eitt kært minni frá tíðini í Sóljugarði.

‍

Soleiðis lata vit okkara vanliga virksemi í ABC klæðir.

‍